世界民意網 世界民意論坛 金山自由論坛 網上文革博物館 中國知青歲月 信仰與生命 飲食與健康 文苑一角
脢脌陆莽脙帽脪芒脥酶 >> 脨脜脩枚脫毛脡煤脙眉
教會增長與遵行主的命令
心靈的尋索,文學的旨趣:文學大師的信仰對話
【台語押韻詩】何西阿書 2014-06-16 19:00:31

【台語押韻詩】何西阿書


◎范義雄
 
1.先知何西阿家庭 悲慘婚姻值同情  
 
 娶了歌蔑無純情 生兒育女來變心 
 
 離家出走求虛榮 紅杏出牆現本性  
 
 互人放棄遇苦境 何西阿看見傷心  
 
2.愛恨交織念舊情 用銀與麥贖倒轉  
 
 歌蔑象徵神選民 忘恩背義看眼前 
 
 上帝借用這家庭 吐露痛苦的心情  
 
 選民異鄉做奴隸 受人欺負無目地 
 
 
3.埃及法老極殘忍 欲互希伯來絕種  
 
 命令所生的男丁 扔河毋准伊生存
 
 百姓叫苦真傷心 祈求上帝來施恩
 
 上帝憐憫伊苦境 揀選摩西做差用  
 
 
4.救脫奴隸出埃及 阻擋法老的追入  
 
 經過曠野大沙埔 用雲柱火柱保護
 
 四十年日相同行 親像雞母攜雞子 
 
 互伊徛起迦南地 流奶與蜜物產濟 
 
 
5.吩咐遵守主教示 應允施恩賜福氣  
 
 總是百姓無感恩 腳踏迦南來變心 
 
 跪拜偶像迎鬼神 與神疏遠行邪淫  
 
 祭司百姓同犯罪 流血謀殺又偷竊
 
 
 
6.所拜金牛無保護 親像歌蔑的錯誤  
 
對敵侵犯搶傢伙 苦難災禍相續隨 
 
百姓放肆心剛硬 誠實良善掃落地  
 
愚蠢百姓若野驢 跑走希望外國救
 
 
 
7.上帝看了心頭慒 差遣先知來警告  
 
 慈聲呼叫愈走離 上帝痛心放伊去
 
 結果家破國也亡 受擄外邦搧東風 
 
 何西阿書這本冊 奇妙慈愛做主題
 
 
8.信守約束的上帝 忌邪厭惡人犯罪 
 
 因為選民太狼狽 自己委屈來降下
 
 頭戴綠巾受藐視 親像無志氣男兒
 
 懷念早前的情誼 呼喊愛人轉心意 
 
                   
9.以法蓮啊我愛你 以色列我無放棄  
 
 我欲赦免又醫治 施落恩惠賜福氣 
 
 冷靜來讀這本冊 感受上帝心火熱  
 
 愛心跳動嗶噗嗟 只望浪子緊回來
 
 
10.上帝的疼真偉大 連我罪人疼在內 
 
 差子降世報咱知 為贖我罪他受害 
 
 犧牲流血開活泉 赦我罪過賜永活 
 
 世間黑暗雖可怕 任何時間叫主名
 
 
11.死的毒鉤攏免驚 陰府權勢主較贏 
 
 因為主佇十字架 為咱付出重贖價
 
 我欲高舉主聖名 讚美見證祂大疼 
 
 直到祂閣來接我 服事我主佇天城


hit tracker